‘အန္တရာယ်ရှိ ပစ္စည်းဆိုင်ရာ ဖြစ်ရပ်’ ကြောင့် ပင်တဂွန်၏ အစိတ်အပိုင်းတချို့ကို လော့ခ်ဒေါင်းချ
အမေရိကန် ကာကွယ်ရေးဝန်ကြီးဌာန ရုံးချုပ် ပင်တဂွန်အတွင်းရှိ အစိတ်အပိုင်းတချို့ကို ကြာသပတေးနေ့တွင် လုံခြုံရေးအရ လော့ခ်ဒေါင်း ချထားခဲ့ကြောင်း သိရသည်။ ဒေသခံ မီးသတ်ဌာနက “အန္တရာယ်ရှိ ပစ္စည်းဆိုင်ရာ ဖြစ်ရပ်” ဟု ဖော်ပြထားသည့် အခြေအနေကြောင့် ယင်းသို့ အရေးယူခဲ့ခြင်းဖြစ်သည်။
Arlington County Fire Department က X ပေါ်တွင် ထုတ်ပြန်ရာတွင် ၎င်းတို့၏ Hazardous Materials Team အပါအဝင် အဖွဲ့များသည် ပင်တဂွန်အတွင်း ဆောင်ရွက်နေကြောင်း ပြောကြားခဲ့သော်လည်း ဖြစ်ရပ်၏ သဘောသဘာဝကို အသေးစိတ် မဖော်ပြခဲ့ပေ။ ပင်တဂွန် ပြောရေးဆိုခွင့်ရှိသူ Sean Parnell ကလည်း အဆောက်အအုံ၏ လုံခြုံရေးစနစ်များက လေထုအရည်အသွေးဆိုင်ရာ ပြဿနာတစ်ရပ်ကို တွေ့ရှိထားပြီး၊ ၎င်း၏ သဘောသဘာဝနှင့် အရေးပါမှုကို စိစစ်နေစဉ် ကြိုတင်ကာကွယ်ရေး အစီအမံများ ချမှတ်ထားကြောင်း ပြောကြားခဲ့သည်။
Parnell ၏ ပြောကြားချက်အရ ကာကွယ်ရေးဝန်ကြီးဌာနသည် သက်ဆိုင်ရာ နေရာအတွက် shelter-in-place order (အဆောက်အအုံအတွင်း မထွက်ဘဲ နေရာကာကွယ်နေထိုင်ရန် အမိန့်) အပါအဝင် စံနှုန်းအတိုင်း လုံခြုံရေး ကာကွယ်မှု လုပ်ထုံးလုပ်နည်းများကို အကောင်အထည်ဖော်နေပြီး တုံ့ပြန်ရေးအဖွဲ့များလည်း အသင့်ရှိကာ အဆောက်အအုံအတွင်းရှိ ဝန်ထမ်းများကို ကူညီရန် ပြင်ဆင်ထားကြောင်း သိရသည်။