Policies
အီရန် နျူကလီးယားအစီအစဉ် ဖျက်သိမ်းရန် သဘောတူဟု အိမ်ဖြူတော် ပြောကြား
အမေရိကန်နှင့် ချုပ်ဆိုထားသည့် သဘောတူညီချက်အရ အီရန်သည် ၎င်း၏ နျူကလီးယားအစီအစဉ်ကို ဖျက်သိမ်းပြီး နျူကလီးယားပစ္စည်းများကိုလည်း ဖျက်ဆီးရန် သဘောတူခဲ့ကြောင်း အိမ်ဖြူတော် အရာရှိတစ်ဦးက AFP သတင်းဌာနသို့ သောကြာနေ့တွင် ပြောကြားခဲ့သည်။
သို့ရာတွင် အီရန်ဘက်က အဆိုပါ သဘောတူညီချက်ကို မတူညီသည့် အဓိပ္ပာယ်ဖွင့်ဆိုမှုများ ထုတ်ပြန်နေသဖြင့် နှစ်ဖက်အကြား ပြောဆိုချက်များမှာ ကွဲလွဲလျက်ရှိသည်။ အိမ်ဖြူတော်ရှိ အကြီးတန်း အုပ်ချုပ်ရေးအရာရှိ၏ ပြောကြားချက်အရ တီဟီရန်သည် ဟော်မုဇ် ရေလက်ကြားကို ပြန်လည်ဖွင့်လှစ်ပေးရန်လည်း သဘောတူခဲ့ပြီး ၎င်းတို့၏ ကတိကဝတ်များကို အကောင်အထည်ဖော်ပြီးမှသာ အေးခဲထားသည့် ရန်ပုံငွေများကို လက်ခံရရှိမည်ဖြစ်သည်။