---

အစိုးရပိုင် Korea Hydro & Nuclear Power (KHNP) က ၂၀၃၈ ခုနှစ်အတွင်း တည်ဆောက်မည့် နျူကလီးယားဓာတ်အားပေးစက်ရုံအသစ် ၂ ရုံအတွက် ကိုယ်စားလှယ်ဆိုက်များကို ရွေးချယ်လိုက်ကြောင်း ဇွန် ၁၇ ရက်တွင် ထုတ်ပြန်ကြေညာသည်။ ရွေးချယ်ခံရသည့်နေရာများမှာ ဂျောင်ဆန်နမ်-ဒို၊ ဂျောင်ဆန်ပြည်နယ်ရှိ Yeongdeok မြို့နယ်နှင့် ဘူဆန်မြို့အရှေ့မြောက်ပိုင်းရှိ Gijang ခရိုင်တို့ ဖြစ်သည်။

KHNP ၏ ထုတ်ပြန်ချက်အရ Yeongdeok ကို စုစုပေါင်း လျှပ်စစ်ဓာတ်အားထုတ်လုပ်မှု ၂.၈ ဂစ်ဂါဝပ် (GW) ရှိမည့် နျူကလီးယားဓာတ်ပေါင်းစက် ၂ ရုံ တည်ဆောက်ရန် ကိုယ်စားလှယ်ဆိုက်အဖြစ် ရွေးချယ်ခဲ့ပြီး၊ ဘူဆန်မြို့ Gijang ခရိုင်ကိုတော့ ၀.၇ GW ထုတ်လုပ်နိုင်သော အသေးစား မော်ဂျူလာ နျူကလီးယားဓာတ်ပေါင်းစက် (SMR) တစ်ခု တည်ဆောက်ရန် သတ်မှတ်ခဲ့ကြောင်း သိရသည်။ အစိုးရကလည်း ၂၀၃၇ မှ ၂၀၃၈ ခုနှစ်အတွင်း အကြီးစား နျူကလီးယားဓာတ်ပေါင်းစက် ၂ ရုံ တည်ဆောက်မည့် အစီအစဉ်ကို အတည်ပြုထားသည်။

ယခင်က နျူကလီးယားဓာတ်အားပေးစက်ရုံအသစ်များ တည်ဆောက်ခြင်းကို ကန့်ကွက်ခဲ့သည့် မူဝါဒကို ပြောင်းလဲကာ အစိုးရသည် ယခုနှစ်အစပိုင်းတွင် ဉာဏ်ရည်တု (AI) နည်းပညာကဏ္ဍ ကြီးထွားလာမှုကြောင့် လျှပ်စစ်ဓာတ်အား လိုအပ်ချက် မြင့်တက်လာခြင်းနှင့် သန့်ရှင်းစွမ်းအင် အသုံးပြုမှု တိုးမြှင့်ရန် လိုအပ်ချက်တို့ကို အကြောင်းပြု၍ နျူကလီးယားဓာတ်ပေါင်းစက်အသစ်များ တိုးချဲ့တည်ဆောက်ရေး အစီအစဉ်ကို ဆက်လက်ကျင့်သုံးရန် ဆုံးဖြတ်ခဲ့သည်။ KHNP ၏အဆိုအရ ရွေးချယ်ခံရသည့် နေရာ ၂ ခုစလုံးကလည်း ယင်းစက်ရုံများကို လက်ခံတည်ဆောက်ရေးအတွက် စိတ်ဝင်စားမှု ပြသထားကြောင်း သိရသည်။