---

BLACKPINK အဖွဲ့ဝင် Jennie သည် နယူးယောက်မြို့ရှိ Governors Ball Music Festival တွင် ဟက်ဒ္လိုင်းအဖြစ် ဖျော်ဖြေပြီးနောက် တစ်ကိုယ်တော်အနုပညာရှင်ဘဝ၏ မှတ်တိုင်တစ်ခုကို ထပ်မံစိုက်ထူနိုင်ခဲ့သည်။ ထူးခြားဆန်းသစ်သည့် စင်မြင့်ဖက်ရှင်နှင့် တိုက်ရိုက်ဖျော်ဖြေမှုတို့ကြောင့် သူမအပေါ် လူမှုကွန်ရက်များတွင် ကျယ်ကျယ်ပြန့်ပြန့် ဆွေးနွေးမှုများ ဖြစ်ပေါ်နေသည်။

ပွဲတော်အပြီး ဗုဒ္ဓဟူးနေ့တွင် Jennie သည် သူမ၏ ကိုယ်ပိုင် လူမှုကွန်ရက်အကောင့်မှ ဓာတ်ပုံအချို့ကို မျှဝေခဲ့ပြီး ပရိသတ်များ၏ အားပေးမှုအတွက် ကျေးဇူးတင်ကြောင်း ဖော်ပြခဲ့သည်။ “My first Gov Ball went cwaaaaaazy. Thank you NY. You guys gave me so much energy,” ဟု ရေးသားခဲ့ပြီး ဖျော်ဖြေရေးအဖွဲ့ကိုလည်း “We’re just getting started.” ဟု ထပ်မံပြောကြားကာ ကျေးဇူးတင်ရှိကြောင်း ထုတ်ဖော်ခဲ့သည်။

သူမတင်ခဲ့သည့် ဓာတ်ပုံများတွင် ကာကီရောင် ဘော်မားဂျက်ကတ် အတို၊ bra top နှင့် အလွန်တိုသော denim စကတ်ကို တွဲဖက်ဝတ်ဆင်ထားသည့် စင်မြင့်ဝတ်စုံက အထူးထင်ရှားခဲ့ပြီး လူငယ်များကြား ရေပန်းစားနေသည့် Y2K စတိုင်လ်ကို ထင်ဟပ်စေသည်။ ခါးတွင် ချည်ထားသည့် checkered shirt၊ leg warmers၊ လှိုင်းပုံစံ ဆံပင်ရှည်နှင့် ထင်ရှားသော accessories များကလည်း festival အငွေ့အသက်ကို ပိုမိုပေါ်လွင်စေခဲ့သည်။ ပရိသတ်များကတော့ သူမ၏ လေ့ကျင့်ခန်းကြောင့် ထင်ရှားလာသည့် ဗိုက်သားနှင့် သွယ်လျသော ခါးအချိုးအစားကိုပါ ချီးကျူးခဲ့ကြသည်။

ဖျော်ဖြေပွဲအတွင်း Jennie သည် ခန့်မှန်းခြေ မိနစ် 60 ကြာ set တစ်ခုအတွင်း သီချင်း 17 ပုဒ်ကို live သီဆိုဖျော်ဖြေခဲ့ပြီး သီချင်းအသစ်တစ်ပုဒ်ကို ပထမဆုံးအကြိမ် ထုတ်ဖော်ပြသကာ ပရိသတ်များကို အံ့အားသင့်စေခဲ့သည်။ ထိုသီချင်းကို တရားဝင် မည်သည့်အချိန်တွင် ထုတ်ပြန်မည်ကို ပရိသတ်များက စောင့်မျှော်နေကြသည်။ ဖျော်ဖြေပွဲပြီးနောက် အွန်လိုင်းတွင်လည်း “အကောင်းဆုံး ဖျော်ဖြေပွဲ၊ အကောင်းဆုံး ဝတ်စုံ” ဟု ချီးကျူးမှုများ ပြည့်နှက်ခဲ့ပြီး “ကိုယ်က အသားအတင်သေးပေမယ့် စင်ပေါ်မှာ စွမ်းအားပြင်းပြင်းနဲ့ ဖျော်ဖြေနိုင်တာ အံ့ဩစရာပဲ” နှင့် “သီချင်းအသစ်က အရမ်းမိုက်တယ်၊ ထွက်လာမယ့်နေ့ကို စောင့်မနိုင်တော့ဘူး” ဟုလည်း ပရိသတ်များက မှတ်ချက်ပြုခဲ့ကြသည်။ Jennie သည် ကမ္ဘာကျော် K-pop အဖွဲ့ BLACKPINK ၏ အဖွဲ့ဝင်တစ်ဦးအဖြစ် လှုပ်ရှားနေသကဲ့သို့ တစ်ကိုယ်တော်အနုပညာရှင်ဘဝကိုလည်း ဆက်လက်တည်ဆောက်နေသူဖြစ်သည်။