---

တောင်ကိုရီးယား အမျိုးသားရွေးကောက်ပွဲကော်မရှင် ဥက္ကဋ္ဌ ရို တေ-အက်ခ် (Roh Tae-ak) သည် ဗုဒ္ဓဟူးနေ့က ကျင်းပခဲ့သည့် ဒေသန္တရရွေးကောက်ပွဲအတွင်း မဲပြား မလုံလောက်ခဲ့သည့်ကိစ္စနှင့်ပတ်သက်၍ သောကြာနေ့ မွန်းလွဲပိုင်းတွင် လူသိရှင်ကြား တောင်းပန်ရန် စီစဉ်ထားသည်။ ယင်းကိစ္စအပေါ် ရဲတပ်ဖွဲ့ကလည်း စုံစမ်းစစ်ဆေးနေသဖြင့် ကော်မရှင်အပေါ် ဝေဖန်မှုများ မြင့်တက်နေသည်။

ရွေးကောက်ပွဲကျင်းပသည့်နေ့တွင် ဆိုးလ်မြို့ရှိ မဲရုံ ၁၄ ရုံ၌ မဲပြားများ မလုံလောက်တော့သဖြင့် မဲဆန္ဒရှင် ရာနှင့်ချီသည် ညနေ ၆ နာရီ မဲပိတ်ချိန်ကျော်လွန်ပြီး နာရီပေါင်းများစွာ စောင့်ဆိုင်းခဲ့ရသည်။ အဆိုပါဖြစ်ရပ်နှင့်ပတ်သက်၍ တာဝန်ပျက်ကွက်မှု အပါအဝင် စွပ်စွဲချက်များဖြင့် လူထုအဖွဲ့အစည်းတစ်ခုက ရို တေ-အက်ခ်ကို အမှုဖွင့်တိုင်ကြားထားပြီး ဆိုးလ်မြို့တော်ရဲတပ်ဖွဲ့က လက်ခံစစ်ဆေးနေသည်။ တာဝန်ယူမှုရှိစေရန် ရာထူးမှ နုတ်ထွက်ရန်လည်း ၎င်းအပေါ် ဖိအားများ တိုးလာနေကြောင်း သိရသည်။