---

ဗြိတိန်ရေနံကုမ္ပဏီ BP သည် အဖွဲ့အစည်းအုပ်ချုပ်မှုဆိုင်ရာ “ပြင်းထန်သော စိုးရိမ်မှုများ” ကို အကြောင်းပြုပြီး ဥက္ကဋ္ဌ အဲလ်ဘတ် မန်ဖီလ်ဒ်ကို ရာထူးမှ ဖယ်ရှားလိုက်ကြောင်း အင်္ဂါနေ့တွင် ကြေညာလိုက်သည်။ ၎င်းသည် အဆိုပါရာထူးကို တာဝန်ယူခဲ့သည်မှာ တစ်နှစ်ပင် မပြည့်မီ ထုတ်ပယ်ခံရခြင်း ဖြစ်သည်။

ကုမ္ပဏီက အုပ်ချုပ်ရေးစနစ်၊ စံနှုန်းများ၊ ကြီးကြပ်မှုနှင့် အပြုအမူဆိုင်ရာ ပြဿနာများကို လက်သင့်မခံနိုင်သော အခြေအနေအဖြစ် သတ်မှတ်ပြီး ချက်ချင်းအရေးယူလိုက်ကြောင်း ပြောကြားသည်။ BP ၏ senior independent director အမန်ဒါ ဘလန်က “ဘုတ်အဖွဲ့အနေဖြင့် အုပ်ချုပ်ရေးဆိုင်ရာ ကြီးကြပ်မှုနှင့် အပြုအမူပြဿနာများကို သိရှိလာပြီးနောက် အံ့အားသင့်ခဲ့ရသလို စိတ်ပျက်မိပါသည်။ ထိုပြဿနာများကို လက်မခံနိုင်ဟု သဘောတူညီချက်တစ်ရပ် ချမှတ်ကာ အဆုံးအဖြတ်ပေးသည့် အရေးယူမှုကို လုပ်ဆောင်ခဲ့ခြင်းဖြစ်သည်” ဟု ထုတ်ပြန်ချက်တွင် ပြောကြားခဲ့သည်။

BP က ဘုတ်အဖွဲ့ဝင် အီယန် တိုင်လာကို ချက်ချင်းအကျိုးသက်ရောက်စေကာ ယာယီဥက္ကဋ္ဌအဖြစ် ခန့်အပ်ထားကြောင်းလည်း ထုတ်ပြန်ခဲ့သည်။