မြို့ပြင်ဒေသများသို့ ရင်းနှီးမြှုပ်နှံမည့် ကုမ္ပဏီများအတွက် ထူးခြားသည့် ဘဏ္ဍာရေးအထောက်အပံ့ပေးမည်ဟု ဝန်ကြီးချုပ် ကင်မ် မင်ဆော့ ကတိပြု
တန်းတူညီမျှသော ဒေသဖွံ့ဖြိုးတိုးတက်မှုကို အားပေးရန် ရည်ရွယ်၍ မြို့တော်ပြင်ပဒေသများတွင် ရင်းနှီးမြှုပ်နှံမည့် လုပ်ငန်းများအတွက် ထူးခြားသည့် ဘဏ္ဍာရေးအထောက်အပံ့ပေးမည်ဟု ဝန်ကြီးချုပ် ကင်မ် မင်ဆော့က ဇွန် ၁၅ ရက်တွင် ကတိပြုခဲ့သည်။
တန်းတူညီမျှသော ဒေသဖွံ့ဖြိုးတိုးတက်မှု မြှင့်တင်ရေးအတွက် ဖွဲ့စည်းထားသည့် ကော်မတီအစည်းအဝေး၌ ကင်မ်က ထိုသို့ ပြောကြားခဲ့ခြင်းဖြစ်ပြီး “ငါးပိုင်းနှင့် သုံးစွာ” ဟု ခေါ်သည့် ၈ ခုသော ဒေသများတွင် စီးပွားရေးတိုးတက်မှု၏ အင်ဂျင်များ ဖန်တီးနိုင်ရန် ကုမ္ပဏီများ၏ ရင်းနှီးမြှုပ်နှံမှုကို အစိုးရအနေဖြင့် ရနိုင်သမျှ နည်းလမ်းအားလုံးဖြင့် ထောက်ပံ့မည်ဟု ဆိုသည်။ “ငါးပိုင်း” တွင် မြို့တော်ဒေသ၊ အရှေ့တောင်ဒေသ၊ North Gyeongsang ပြည်နယ်နှင့် Daegu ၊ အလယ်ပိုင်းဒေသ၊ အနောက်တောင်ဒေသတို့ ပါဝင်ပြီး “သုံးစွာ” တွင် Jeju ကျွန်း၊ North Jeolla ပြည်နယ်နှင့် Gangwon ပြည်နယ်တို့ ပါဝင်သည်။
“ဒေသအခြေပြု သုတေသနနှင့် ဖွံ့ဖြိုးရေး (R&D) အထောက်အပံ့ကို အလွန်အမင်း တိုးချဲ့သွားမည်ဖြစ်သလို စက်မှုလုပ်ငန်း စတင်တည်ထောင်သူများအတွက် ရင်းနှီးမြှုပ်နှံမှုကိုလည်း တိုးမြှင့်သွားမည်” ဟု ကင်မ်က ပြောကြားပြီး “ယင်းကို ထောက်ပံ့နိုင်ရန် အလားအလာကြီးစွာ ဖွံ့ဖြိုးလာမည့် အထူးဒေသများအတွက် အထူးဥပဒေတစ်ရပ် ပြဋ္ဌာန်းမည်” ဟုလည်း ထပ်လောင်းပြောဆိုသည်။ မြို့တော်ဒေသပြင်ပသို့ ပြောင်းရွှေ့အခြေချမည့် ကုမ္ပဏီဝန်ထမ်းများနှင့် ပြည်သူ့အဖွဲ့အစည်းများမှ တာဝန်ရှိသူများ အခြေကျနိုင်ရေးအတွက် ပညာရေး၊ ယဉ်ကျေးမှု၊ ဆေးဝါးနှင့် အခြား နေထိုင်မှုအခြေအနေများကိုလည်း သိသိသာသာ တိုးတက်အောင် ဆောင်ရွက်မည်ဟု ၎င်းက ကတိပြုခဲ့သည်။