မိခင်ဖြစ်သူ ပျောက်ဆုံးမှုကြောင့် ၂ လခန့် အစီအစဉ်မှ ခေတ္တအဝေးကွာနေခဲ့သည့် NBC ရုပ်သံ၏ “Today” အစီအစဉ်တင်ဆက်သူ Savannah Guthrie သည် လာမည့် ဧပြီ ၆ ရက်တွင် အစီအစဉ်သို့ ပြန်လည်ပါဝင်မည်ဖြစ်ကြောင်း သိရသည်။ သူမက “ကျေးဇူးတရားနဲ့ ပျော်ရွှင်မှုက ကျွန်မရဲ့ ဆန့်ကျင်ဘက်အသံ ဖြစ်ပါလိမ့်မယ်” ဟု အင်တာဗျူးတစ်ခုတွင် ပြောကြားခဲ့သည်။
AP သတင်းအရ Guthrie ၏ အသက် ၈၄ နှစ်အရွယ် မိခင် Nancy Guthrie သည် ဖေဖော်ဝါရီ ၁ ရက်က ပျောက်ဆုံးခဲ့ပြီး အာဏာပိုင်များက သူမအား ပြန်ပေးဆွဲခံရခြင်း၊ အဓမ္မခေါ်ဆောင်ခံရခြင်း သို့မဟုတ် ဆန္ဒမပါဘဲ ခေါ်ယူခံရခြင်း ဖြစ်နိုင်ကြောင်း ယုံကြည်ထားသည်။ FBI က Tucson မြို့ရှိ Guthrie ၏ အိမ်ရှေ့တွင် ပျောက်ဆုံးသည့်ညက မျက်နှာဖုံးဝတ် အမျိုးသားတစ်ဦးကို စောင့်ကြည့်ကင်မရာမှ ရိုက်ကူးထားသည့် ဗီဒီယိုကို ထုတ်ပြန်ခဲ့ပြီး မိသားစုက မိခင်အား ဘေးကင်းလုံခြုံစွာ ပြန်လည်တွေ့ရှိနိုင်ရေး သတင်းပေးနိုင်သူအတွက် ဒေါ်လာ ၁ သန်း ဆုကြေးကြေညာထားသည်။